السلام عليكم و رحمه الله و بركاته
حاولت اكتب ما جادت به المشاعر و اتمنى ان تنال اعجابكم و هذي اول مشاركه الي
*********
كلماتي في الغزل قدام مزيون الغلا ضاعت
سهيل هلالها الحاجب و زانها كحل رباني
محاسن عقل و افعاله على كل العرب شاعت
و في قلبي هويته و افتديته و شوقه فناني
و دام ان دروبه طوال روحي لشوفه التاعت
اسولف مع خياله دوم و لا تسمع سوى اذاني
و اسهر عدد خصاله و نوم العين له بـــــــــــاعت
و اصحى من حسن وصفه و تحويني به احزاني
يارب زود بالصبر كاسي و ريح قلوبــا تداعت
و بلغه صدق احساسي اخاف كثر البعد ينساني
و طمن نفسا من ذكر الفراق و الله ارتاعــت
و هي تدري ما بيومــا اهون و الغلا يجــفاني
روحــــه لسري قبلت و روحي لــسره ساعـــــت
ما اخاف غدر محبوبي خوفي من غدر زمانى
يخطف مني الغلا و اصير باليتم منعوت ناعت
و تبقى يا بعد العمر نفسي غصاص العبر تعانــي
*****
,,سلامتكم ,,
الإثنين أبريل 07, 2008 4:07 am
